喜歡一個人孤獨的時刻 但不能喜歡太多
太多 - 陳綺貞
組織唔到自己，加少少語障，所以今次用口語加point form。
- 呢排犯小人，其實你我身邊都有小人，同時小人又會覺得你先係小人，即係好似唐家話細契本性如此，而細契又大大聲話人哋先係反派咁。大家都覺得自己啱，大家都唔會覺得係自己小人。小人究竟係咩呢？事實係你小人先，定人小你先呢？呢個，係一個謎。
- 是非，就梗係要留返辦公時間先講啦。Lunch time 我哋講溏心風暴，研究林峯靚仔啲，定係黃宗澤靚仔啲。我梗係支持波斯高啦，師兄喎（我入去讀嗰陣佢畢咗業咯，可想而知我幾年輕吖）！咁阿法拉屎戲啲，定係常在心屎戲啲呢？我話，見到祝文君做戲我會忟啲。
- 妹豬呀，自從被阿樓下陳萬昌隻貓嚇親之後，就驚咗隔離屋隻肥仔喇。黃太話，阿樓下陳萬昌隻貓好憎狗架，啲細路走過去搞佢都冇事，我妹豬行過啫，佢就發惡抓妹豬……唔知阿樓下陳萬昌隻貓同狗狗有咩恩怨呢？
- 公司免費驗身，報告出咗。醫師話驗到我尿入面有ketone，話係成日唔食嘢造成嘅。我仔細諗過自己嘅生活習慣，發覺自己一個禮拜起碼有兩日，兩點後msn同人講嘅第一句都係「飽到想嘔」（另外三日係「食飽好眼訓」），我又點會成日唔食嘢呢？醫師仲話，我再多排瑜珈，就會…………瘦。驗身報告有紅字，我理應擔心嘛，但我嗰吓能夠做嘅，只係忍笑。
- 發覺自己唔再熱血，對朋友對工作對學業對愛情，都無乜心機，反而一啲無聊兼無冇乜建設性嘅嘢，我又好有興趣研究，例如，我上網查咩係「狼過華秀隻狗」，又搵ketone嘅資料，仲逐個字查字典添。
- 尋日全家飲茶，買咗本雜誌，陳寶珠crossover陳冠希。阿媽話，遲啲出碟喇，唔使特登買飛。對於當年陳寶珠個演唱會完咗我先知，我仍然深感後悔，我凝住阿媽其實好想睇……
- 又係尋日，一個人喺火車站，見到舊情人同埋佢嘅情人。舊人講緊電話，應該見我唔到，但阿女朋友就見到我，而且認得我，仲見到我回頭望佢男朋友。上到月台，兩女又對望咗一吓，但男嘅仲係見唔到，之後我哋入咗唔同嘅車卡。講真，見到佢哋嗰吓，我因為阿女朋友似師奶，開心咗一嘢。其實人哋都冇得罪我（師奶更加唔係罪啦，我愛媽媽！），我咁諗係咪好衰呢？美人安慰我，話：車～對住舊情人咁諗都好正常啫～
- 雖然機會微乎其微，仍然覺得呢舖真係人生滿希望！詳情唔喺度公開，但會考慮私底下解答，因為我係自私怪。呵呵。
睇咁耐都唔知我想點？正常嘅，我都唔知自己可以點。
心情很差。
背景音樂是五月天的終結孤單，是多年次偶然在街上聽到的。我很怕吵耳的音樂，卻很喜歡這歌。聽著聽著，總會好一點。
Everything will be alright, tomorrow will be fine.
終結孤單 － 五月天
作詞：阿信 作曲：阿信 編曲：五月天
約你你說不來 來了你又不high
大家開開心心出來玩 你只埋頭吃飯
如果你的孤單 只是你的習慣
一直把你自己鎖起來 實在太不應該
心情好 心情壞 怎麼開始 怎麼辦
你有的不爽 讓我來分擔
Everything will be alright
Tomorrow will be fine
太陽依然燦爛 Hey 地球繼續轉
Everything will be alright
Tomorrow will be fine
有我的陪伴 你再也不孤單
(有我的陪伴 一起終結孤單)
衛冕者接受挑戰 難免也會失敗
人生雖然像一場比賽 還是要保持樂觀
請你把頭抬起來 幫你把勇氣加滿
有我這樣完美的朋友 High不High 當然很High
La La La La La La La La La La La La
