又生飛滋。

一年入面起碼有一半日子，口入面有一粒或以上嘅飛滋，而最常見嘅情況係，同時有3粒。

究竟我做錯咗d乜？使唔使搵個大夫睇吓呢……

有關飛滋（內有恐怖飛滋特寫）

呢個topic 講到好悶，呢次真係最後一次 。

尋晚，老師（到而家上堂都仲係會舉手同埋嗌老師）咁多個月黎第一次得閒睇我份論文。

結果除左introduction之外，一萬字俾人由尾ban 返上頭。丫，conclusion 都冇ban，因為佢話都唔使睇……

成個過程我就loop咗喺「o咀」、「吓？」、傻笑、同伸脷呢幾個反應上面。即係咁：

（傻笑）
「驚唔驚？」
「驚。」（伸脷）
「唔使驚，呢幾日辛苦d，唔好瞓覺啦，唔好返工啦，就搞得掂喇。」
「吓，哦。」
「幾時交呀？」
「星期四，但其實星期三晚要交喇（deadline 係下晝四點，究竟parttime 學生點可以喺下晝四點前交功課？），我星期三晚有第二科要present 添呀。」
「嘩，唔pre 得唔得呀？」
（o咀）

事後好沮喪咁打俾唔同嘅人求救，有叫我咪鬼理佢照交，有人叫我當場x 佢咁多個月唔睇而家先要我改，亦有人聽完之後靜咗兩秒先俾到「吓」呢個反應。

好聽話咁打俾P仔同mama請假，P仔仲好開心好好奇咁問我點解會咁添。我都想知。

搭車返屋企嘅途中我就諗：
都冇計架，講到明唔得都照交咩，可以點啫。
兩日唔返工，兩晚唔瞓覺，保得住我呢兩年交咗嘅學費，都抵嘅……

聽完我講之後最多人問嘅問題係：「咁你真係諗住唔瞓呀？」似乎大家都好清楚我最唔挨得嘅就係眼瞓。

返工同瞓覺我梗係揀瞓覺啦，玩咩！

三點九。

剛喝了杯特濃熱咖啡，味道不錯。

聽著野仔，原來也不錯。

手腳冰冷，長期處於寒冷天氣警報狀態。

這懶人終於有報應。

不要問任何問題了，hang咗機 load唔到。

謝謝每一位，我很愛你們。