伙伴都說，他們見証我由一個少女變成少婦，就差沒看著我的小寶寶出世。我的青春都再這裡。

找到工作嗎？沒有。太大壓力嗎？沒有。有人蝦你？沒有 。有了小孩怕小氣唔講得？沒有呀。真的，我就只是想離開，從新生活，就是這麼簡單。

或許太任性，或許會錯。但我會好好努力。

多謝親愛的相公。

這兩年都說無聊話多，心裡所想的都給愛人說過就算，沒有用太多文字照片記下來。好後悔。

==========================

左腳腳踝痛了一段日子，一直想會不會是幾年前「工傷」的舊患呢？在這裡發現，那年跌傷的，是右腳。

忽然掛住，呢度。=)

好有共鳴, kekeke

我們牽手聆聽 萬物正在舉行的和諧

父：端午節就初三…
女：咩事呀老豆？
父：聽日咩日子呀？
女：聽日？２０號？
父：係囉。
女：窄胃熊生日囉！
父：窄胃熊生日好大件事咩？！
女：咩事啫？
父：聽日無馬跑囉。
女：……

父：窄胃熊生日你又記得？

當然記得。半個地球外的你，生日在英國怎麼過？

突然發現自己學會告訴別人，我真係好唔開心。不從口裡放出來，我怕它們又會在心裡累積到一個令人受不了的地步。噢，但我還是未學會自我毀滅壞思想。

為什麼我要反駁？為什麼我要說下去？

不要叫告訴我太多其實如果或者吧，還有別的辦法嗎？其實如果或者我堅持要選擇逃避，不可以嗎？

我真的很討厭吵吵鬧鬧的日子。

為什麼我會一次又一次放棄機會呢？下次再有人找我跳糟，我即走。

我守了多久？

慢一點…

慢一點…

再慢一點……

早排喺廚房發現一舊奇薑，一節出咗芽，其它手手腳腳全部開始發霉，唔知點解會攪到咁都仲可以喺屋企出現。所以，同呢舊咁有緣嘅薑講拜拜之前，我決定幫佢留一點根。

好認真咁上網搵過資料，似乎我早咗開始種，應該要等條芽（芽嘅正確量詞應該係…？）再大啲先會種到。咁樣用水浸，初初就高得好快，但而家就有啲停滯不前。努力啊，薑！

（二）穿起媽媽的高跟鞋

細佬畢業，我哋舉家去影相。臨出門口前我教唆娘親著對靚靚鞋，兩母女血拼完再去影相。唉，係我衰係我不孝，原來對鞋又大又括腳，娘親血拼完已經行唔郁。見到娘親好似好辛苦咁，我就懶型咁同佢當街交換鞋著，畢竟我對腳爛慣吖嘛。換鞋之後，腳踏紫色高筒converse嘅娘親就真係即刻型哂喇，同細佬行埋一齊簡直好似兩兄妹出去蒲咁；而我，就咁：

原來灰姑娘對鞋係密頭係有原因架，因為如果露趾鞋就可以好似我咁，大成個碼都可以格硬塞到落去（雖然係人都睇得出件事真係好格硬）。

以前成日偷偷哋拎娘親啲衫、鞋黎試，玩搽胭脂水粉化到成臉粉（最後攪到細佬成個紙扎公仔咁無得唔認）。而家，我已經比媽媽高大，偷唔到佢啲衫黎玩喇。再著返媽媽嘅鞋，忽然間發覺，時間原來真係留唔住。

穿起媽媽的高跟皮鞋，就似魔法刹那叫我已長大。

（三）又到聖誕

早幾年都仲會好少女情懷咁希望過一個浪漫嘅聖誕。但事實，自已從來唔知咩係浪漫，應該話，自己根本唔知自己想要啲乜。過去一年，好似好多嘢變咗，又好似冇乜點變：幾年前對住果間公司、果個情人，離離合合後，好安心咁坐喺同一個office、拖同一隻手。咁呢幾年一路搵緊嘅，其實係咩呢？唔知喎，冇搵好耐喇喎。

雖則話家陣冇乜少女情懷（唔代表我唔係少女！！），但見到咁，我都仲係會覺得唔係好開心囉：

聖誕老人你好慘呀，而家就病，點挨到廿五號呀？我仲有冇聖誕禮物架？？？

噢，本來諗住貼相寫少啲字，唔覺唔覺寫得仲多過平時添。